- Dec 02 Sun 2007 23:05
時間有限.......
時間是有限的, 但能做到坐言起行的確不容易, 因為什麼才是適當的時候, 或者做什麼才算是適當的工作, 不是容易肯定的, 但往往到你肯定的時候, 時間已經溜走了........或許, 能做到活在當下, 拋開煩惱, 已是最好不過了.
- Dec 02 Sun 2007 18:29
似懂非懂
思念是一種情感, 喜悅和溫暖是一種感覺, 但現在都只停留於一個空間之中..........能不能突破? 願不願冒險? 還是只想永遠跟空氣說"早晨"?
- Dec 02 Sun 2007 17:25
No subjust (received from a friend)
Life is short,
Break the rules,
Break the rules,
- Dec 01 Sat 2007 23:49
意想不到的一天
今早遲了點起床, 上班跟平日一樣的趕, 不過回到公司, 因為有工作忙, 所以又不覺得特別累. 因為之後都未必有時間, 所以放工就打算去剪頭髮嘞, 約了三點半, 剛好阿麻也約了同樣時間出尖沙咀上瑜珈課, 因此就相約吃lunch 打發時間.
- Dec 01 Sat 2007 02:57
十二月..........新開始?
昨晚(因為已經過咗十二點嘞)又做到八點幾先走, 今次又係因為自己好人得滯, 幫樓上做IPO既同事查資料, 所以又做到咁夜, 本來聽日做都可以, 但想到聽日又有其他嘢要忙, 都係先完成呢樣好啲. 因為咁夜先收工, 返到屋企又睇唔到電視嘞, 幸好嚟緊既兩線劇都興趣不大, 唔係呢個月都無得追啦! 其實今日都已經做到好攰, 買咗粥返屋企食都食完. 本來都無諗過咁夜仲唔去瞓, 不過因為等電話, 最後又因為講電話, 講吓講吓, 越講越長............ 終於都係講到手提無電先結束, 不過亦因為手提無電無鬧鐘用, 所以迫於無耐都係要叉好電先可以瞓, 好彩聽日係星期六, 所以都係捱半日啫! 昨日剛好係一個月, 想落都幾巧合喎! 而今日又係一個月既新開始, 亦係07年既最後一個月, 又是個新開始吧?! 好喇! 應該可以夠電瞓了吧!
- Nov 27 Tue 2007 20:33
東莞遊
今天上了東莞, 到了我們公司其中一個生產工廠, 平日我好少上去, 今次都是因為阿姐想我以後多專注市務工作, 所以叫我跟幾個新sales一齊上去. 雖然少去, 但也去過好幾次了, 所以其實有點悶, 不過上去比起在香港輕鬆很多, 因為都是跟大伙兒(各部門的阿頭)吃吃飯, 跟著阿姐行行廠, 反而在香港就忙碌得多了! 不過為此也要付代價的, 因為今天上了去, 所以昨晚要開夜班趕工作, 今天又沒了一日時間, 明日返工就知死!!
- Nov 26 Mon 2007 23:42
大風吹
今日又是繁忙一週的開始, 因為明天要上東莞廠, 所以今日就趕工, 希望盡量做完今日的工作. 終於做到八時半, 全層樓只得我一個人了, 雖然不算全部工作都完成, 但還是要離開了. 下到樓果然很大風, 頭髮被吹得亂糟糟的, 而且有點凍, 好在我也早有準備, 穿了件有帽的斗蓬, 蓋上帽子, 拉緊衣領, 就迎著大風向著巴士站出發. 不過一想起明早只得15, 16度, 之後還會跌至13度, 哎呀, 好冷啊~~
- Nov 25 Sun 2007 02:13
Facebook無孔不入
上次都寫過有關對facebook的感覺, 今日梗加覺得佢係無孔不入, 因為今日連我阿head都問我facebook既野呀!! 佢話有好多朋友都叫佢join, 所以佢都忍唔住問我究竟點玩, 我就開我個profile俾佢睇啦, 同埋解釋俾佢知個大慨. 其實除咗我阿head都對facebook有興趣外, 我睇報紙都睇到唔少關於facebook既報導, 有公司用嚟請人, 有議員用嚟拉票宣傳, 用途真係好廣泛. 不過講到尾, 我都係覺得裡面有太多application幾無聊喇, 所以始終未領略到佢既"迷人"之處呢!
- Nov 25 Sun 2007 02:03
十年難逢一次的"家庭"聚會
今次真係好特別, 我去咗"大伯"屋企燒野食, 究竟幾耐無見過面呢? 真係好耐好耐, 平時連新年都無跟去拜年, 真係無乜機會見面. 就好似講番起, 原來上次見我個"細佬"(佢個大仔), 已經係佢結婚既時候, 但原來佢已經結咗婚七年喇! 真誇張!! 今次好齊人, 因為係慶祝我阿叔(即係我阿爸, 識我既就會明)同佢大佬既生日, 所以幾家人都有到, 今次仲打破傳統, 唔係去酒樓食飯, 而係攪BBQ, 都係因為咁我先有興趣去. 其實我平日都無乜參予我阿叔這邊親戚的聚會, 可能心底裡始終覺得有啲分別, 反正一直都無兩句, 所以都唔會主動去"認識", 不過有時都會覺得, 拉埋都算係親戚, 有時候還是應該出現吓既!