今日唯一慶幸的, 是早上開營業會議沒有超時, 而且比平常要早完結, 未到一點已經可以散會, 因為每次開營業會例必阻了半天, 如果像平常一樣超時至點半, 兩點的話, 再加上吃午飯, 回來工作都已經3時了, 休想早走. 但雖然如此, 今天還是很累, 因為時間少了, 要做的卻沒少, 而且我的心仍然為到可能要做回放貨及存貨控制的工作而擔心, 看來明天應該會確定. 原先我很想籍此機會, 順帶跟我阿姐傾傾我的未來工作安排和我的職級問題, 但現在我還是不知應該怎樣講, 跟人討價還價從來都是我的弱項.
目前分類：無聊日誌 (206)
- Dec 06 Thu 2007 01:20
勞累的工作
- Dec 01 Sat 2007 23:49
意想不到的一天
今早遲了點起床, 上班跟平日一樣的趕, 不過回到公司, 因為有工作忙, 所以又不覺得特別累. 因為之後都未必有時間, 所以放工就打算去剪頭髮嘞, 約了三點半, 剛好阿麻也約了同樣時間出尖沙咀上瑜珈課, 因此就相約吃lunch 打發時間.
- Dec 01 Sat 2007 02:57
十二月..........新開始?
昨晚(因為已經過咗十二點嘞)又做到八點幾先走, 今次又係因為自己好人得滯, 幫樓上做IPO既同事查資料, 所以又做到咁夜, 本來聽日做都可以, 但想到聽日又有其他嘢要忙, 都係先完成呢樣好啲. 因為咁夜先收工, 返到屋企又睇唔到電視嘞, 幸好嚟緊既兩線劇都興趣不大, 唔係呢個月都無得追啦! 其實今日都已經做到好攰, 買咗粥返屋企食都食完. 本來都無諗過咁夜仲唔去瞓, 不過因為等電話, 最後又因為講電話, 講吓講吓, 越講越長............ 終於都係講到手提無電先結束, 不過亦因為手提無電無鬧鐘用, 所以迫於無耐都係要叉好電先可以瞓, 好彩聽日係星期六, 所以都係捱半日啫! 昨日剛好係一個月, 想落都幾巧合喎! 而今日又係一個月既新開始, 亦係07年既最後一個月, 又是個新開始吧?! 好喇! 應該可以夠電瞓了吧!
- Nov 27 Tue 2007 20:33
東莞遊
今天上了東莞, 到了我們公司其中一個生產工廠, 平日我好少上去, 今次都是因為阿姐想我以後多專注市務工作, 所以叫我跟幾個新sales一齊上去. 雖然少去, 但也去過好幾次了, 所以其實有點悶, 不過上去比起在香港輕鬆很多, 因為都是跟大伙兒(各部門的阿頭)吃吃飯, 跟著阿姐行行廠, 反而在香港就忙碌得多了! 不過為此也要付代價的, 因為今天上了去, 所以昨晚要開夜班趕工作, 今天又沒了一日時間, 明日返工就知死!!
- Nov 26 Mon 2007 23:42
大風吹
今日又是繁忙一週的開始, 因為明天要上東莞廠, 所以今日就趕工, 希望盡量做完今日的工作. 終於做到八時半, 全層樓只得我一個人了, 雖然不算全部工作都完成, 但還是要離開了. 下到樓果然很大風, 頭髮被吹得亂糟糟的, 而且有點凍, 好在我也早有準備, 穿了件有帽的斗蓬, 蓋上帽子, 拉緊衣領, 就迎著大風向著巴士站出發. 不過一想起明早只得15, 16度, 之後還會跌至13度, 哎呀, 好冷啊~~ 
- Nov 25 Sun 2007 02:13
Facebook無孔不入
上次都寫過有關對facebook的感覺, 今日梗加覺得佢係無孔不入, 因為今日連我阿head都問我facebook既野呀!! 佢話有好多朋友都叫佢join, 所以佢都忍唔住問我究竟點玩, 我就開我個profile俾佢睇啦, 同埋解釋俾佢知個大慨. 其實除咗我阿head都對facebook有興趣外, 我睇報紙都睇到唔少關於facebook既報導, 有公司用嚟請人, 有議員用嚟拉票宣傳, 用途真係好廣泛. 不過講到尾, 我都係覺得裡面有太多application幾無聊喇, 所以始終未領略到佢既"迷人"之處呢!
- Nov 25 Sun 2007 02:03
十年難逢一次的"家庭"聚會
今次真係好特別, 我去咗"大伯"屋企燒野食, 究竟幾耐無見過面呢? 真係好耐好耐, 平時連新年都無跟去拜年, 真係無乜機會見面. 就好似講番起, 原來上次見我個"細佬"(佢個大仔), 已經係佢結婚既時候, 但原來佢已經結咗婚七年喇! 真誇張!! 今次好齊人, 因為係慶祝我阿叔(即係我阿爸, 識我既就會明)同佢大佬既生日
, 所以幾家人都有到, 今次仲打破傳統, 唔係去酒樓食飯, 而係攪BBQ, 都係因為咁我先有興趣去. 其實我平日都無乜參予我阿叔這邊親戚的聚會, 可能心底裡始終覺得有啲分別, 反正一直都無兩句, 所以都唔會主動去"認識", 不過有時都會覺得, 拉埋都算係親戚, 有時候還是應該出現吓既! 
, 所以幾家人都有到, 今次仲打破傳統, 唔係去酒樓食飯, 而係攪BBQ, 都係因為咁我先有興趣去. 其實我平日都無乜參予我阿叔這邊親戚的聚會, 可能心底裡始終覺得有啲分別, 反正一直都無兩句, 所以都唔會主動去"認識", 不過有時都會覺得, 拉埋都算係親戚, 有時候還是應該出現吓既! - Nov 23 Fri 2007 23:54
過了清閒的一週
這個星期比較清閒, 所以都在家吃晚飯, 兼且可以睇電視, 剛巧最近兩線劇都好睇, 真好!! 
不過今晚一心以為做大結局, 點知睇到最後先知未完啊! 激死, 是否明天呢?
雖然這個星期沒那麼忙, 但就特別早覺得累, 所以也比平日早了上床, 不過就不算睡得好好, 試過有一兩晚睡到半夜會醒一醒, 有時臨近天光又醒一醒. 不過都OK既, 計埋醒一醒都睡得多過平時. 
不過今晚一心以為做大結局, 點知睇到最後先知未完啊! 激死, 是否明天呢? 雖然這個星期沒那麼忙, 但就特別早覺得累, 所以也比平日早了上床, 不過就不算睡得好好, 試過有一兩晚睡到半夜會醒一醒, 有時臨近天光又醒一醒. 不過都OK既, 計埋醒一醒都睡得多過平時. - Nov 20 Tue 2007 01:40
年紀大, 身子壞!
今天近腰的位置很痛, 每次坐得久一起身, 腰到腳都會痛, 像是扭到扯埋隻腳一齊痛那樣, 可能是昨日執拾時扭了一把吧, 之後又睡得不大好, 所以今日就扯著扯著嘞. 終於到剛才洗完澡, 還是忍不住拿了藥酒出來搽一搽, 希望會好少少啦. 其實平日少運動, 又長期坐寫字樓, 筋骨早已硬崩崩了, 什麼頸梗膞痛這些辦公室常見微狀早已呈現, 有見及此, 之前都有跟同事去上上瑜伽, 希望會有幫助, 不過上了幾次後, 朋友就很有興趣, 但我就相反, 覺得好悶. 後來轉咗跳JAZZ, 當然不是很正宗那種啦, 都是志在郁動一下, Keep住上堂都好少少既. 不過之後約滿了就沒續了, 變成連少少運動都沒了. 本來今日終於的起心肝, 打算報工聯會的跳舞班的, 貪佢夠平, 點知, 在左揀右揀(揀時間, 揀地點)後, 拿著錢去報名之時, 己全數爆滿, 所有相關相似的班都沒位了, 那怕今天才是第一天公開報名呢! 看來又要轉移目標, 找找其他方法了.
- Nov 18 Sun 2007 18:58
Facebook
Join了Facebook都有一段時間, 但其實到現在還是不太懂它怎樣運作, 有很多Applications實際上都不清楚有什麼用, 或者有什麼好玩, 可能是我沒放太多時間, 心機去鑽研吧! 當初開account都是受了某個朋友的邀請, 到join了才知道原來現在是這樣流行, 而且最近才發覺原來公司有許多同事都join了, 還有人create了一個Group是寫關於公司的東西的! 
(不過有沒有人會寫就另當別話喇!)
(不過有沒有人會寫就另當別話喇!) - Nov 18 Sun 2007 11:12
第二站 ---- 太古城
昨日跟朋友去了太古城, 為什麼說是第二站呢? 因為之前曾說過有些地方沒去過, 又或者很久很久沒去過了, 很想去逛逛, 所以上一回去了數碼港, 今次到了太古城. 適逢我上次積分換的換票證即將到期, 因此順理成章今次又去了看戲. 今次選了看"魔戰王 - 貝奧武夫", 因為這戲在之前看過宣傳片, 覺得很吸引. 看罷覺得算是ok啦! 雖然故事像是簡單了點, 不過看它的電腦效果, 真的太捧了, 如果這套戲用真人去做, 實在沒有這種效果. 不過看完後你會覺得自己是打了一場RPG Game呢! 其實太古城沒什麼特別, 不過那裡的food court看來真的不錯, 有很多很多不同的各國美食, 環境也不錯, 最衰午飯食得太晚又太豐富了, 所以沒辦法再吃太多, 或許下一次再到那裡可以試清楚.
- Nov 15 Thu 2007 22:04
無聊的一天
今日啲大佬, 阿姐全部去晒開大會, 公司變得無王管, 我都份外得閒, 不過今日又有新人返工, 所以都花咗啲時間去教人. 每次有新人返工都要將啲內容講一次, 真係有諗過不如錄低佢, 咁未唔駛次次講囉! 下午食完飯就同行政部幾個同事去咗小白鷺餐廳, 為到公司既聖誕派對睇場地. 其實前年公司都在那裡攪過一次, 不過那次是食lunch, 今次就攪夜晚. 嗰度環境的確唔錯, 不過野食就麻麻地嘞, 到時會有成2百幾人, 可能都會有啲迫.
- Nov 12 Mon 2007 22:05
一個人吃的晚飯 ........續
想不到我自己一個人去吃火鍋會令到好幾個朋友都齊來"關心"我呢! 不過我得講一句, 嘻嘻, 我不是特別喜歡吃火鍋的, 只是剛巧新推出, 所以才去試試啫! 不過說到一個人吃飯, 那倒是個慣性了, 就像今晚又是一個人呀! 最後麥記攪掂, 想起都有點悽涼啊! 
- Nov 12 Mon 2007 00:01
一個人吃的晚飯
貫徹我儍妹的行徑, 我不理同事的勸告, 又再一次自己一個人走到樓下打邊爐嘞! 今次是到大快活試"牛魔王"!! 他們都說一個人吃飯的話, 情願在家煮個麵, 或者買個飯盒回家吃, 也不會一個人落街吃, 更可況是打邊爐呢! 因為打邊爐用的時間多, 分分鐘要成個鐘頭, 他們覺得咁樣會好尷尬, 好儍瓜呀! 不過我就覺得總比一個人拿著飯盒在家吃好囉, 起碼有點人氣嘛, 好過得自己一個. 不過我都不否認一個人吃飯的確幾.........不過我差不多每天也如是啦, 也習慣了吧! 話說回來, 因為我六時左右就落去了, 所以不算太多人, 反而吃畢走時就已經坐滿人了.
- Nov 11 Sun 2007 16:27
悠閒與無聊只是一線之差............
今個星期天很"悠閒", 因為家人去了大陸, 所以沒住家飯吃, 不過這也習慣了, 有時都幾享受家中無人的感覺. 這個星期因為沒地方去, 想找的朋友又剛巧沒有空, 所以最後在家裡閒著. 有時候真覺得"悠閒"跟"無聊"只是一線之差, 若懂享受寧靜和獨處, 那便是悠閒, 反之, 則變成"無聊", 而我屬於那一種? 我想是一半一半啦!
- Nov 11 Sun 2007 16:24
昏睡十三小時
昨晚真是破記錄的早睡, 八時半就已關燈去睡了, 連晚飯也沒吃, 而且到床上不久就已經睡著了. 雖然到了半夜也有醒過一, 兩遍, 但最終還是昏睡到天亮, 起初七時多已醒來, 但因為今早陽光不是太猛烈, 因此在半夢半醒之間又再睡了. 最後足足睡到差不多十時才真正起床, 很是誇張呢 (好一隻大懶豬)! 或許真的太累了, 而且有點作病 (因為一路也感頭痛, 還開始有少少咳), 所以才會昏睡至此, 不過每次睡得足的結果是.......更加頭痛, 也不知是否天生辛苦命, 平日睡過平均五, 六個小時反而沒事, 睡得足的那天卻會頭痛, 真氣人!
)! 或許真的太累了, 而且有點作病 (因為一路也感頭痛, 還開始有少少咳), 所以才會昏睡至此, 不過每次睡得足的結果是.......更加頭痛, 也不知是否天生辛苦命, 平日睡過平均五, 六個小時反而沒事, 睡得足的那天卻會頭痛, 真氣人!- Nov 09 Fri 2007 16:34
信.不信由你
這兩天難得的能在家吃晚飯, 看久違了的電視劇, 幾線劇也不錯, 其中有一晚看那套”同事三分親”有點……嘻嘻, 有點共嗚. 記得那晚的主題叫”信.不信由你”, 故事是講Vincent和黃家嵐在停車場遇到一個男人, 那人聲稱剛剛被人打劫, 更被偷了車, 要問他們借六千元去舖頭取介子, 並要趕去機場追回女朋友向她求婚, 最後男主角不信那人的話, 而女的卻相信他, 借了錢給他……..老實說, 若我真的遇到那種情形, 相信我也不會借, 況且我應該也沒有那麼多錢可借, 不過我有共鳴的地方, 其實是女主角借錢給那男人的原因, 因為她希望仍能相信世人是會講真話的……..(有看劇情的自會明白, 反之, 也不在這裡說了). 我有共鳴, 是因為我也是那種, 情願選擇相信別人是講真話的人, 雖然這是個很蝕底的性格, 亦是做”儍瓜”的先缺條件…….不過, 做了那麼多年的人, 不誠實的人也不是沒遇過, 但是, 我就是改不掉這種性格, 即使別人都說我太儍…….或許這是我的優點, 但同時亦是我缺點吧!
- Nov 08 Thu 2007 23:41
是個怎樣的聖誕節呢?
也不太記得過去幾年的聖誕節是怎樣過的了, 只記得近幾年在聖誕前夕IVE夜校的同學都會出來聚一聚, 又記得以前有朋友會在家攪Party, 不過自她婚後, 我也少去參加了, 又有印象去年跟朋友出過去看燈飾, 不過這好像都不是正日的事, 那........究竟我平安夜, 聖誕日去了那裡呢? 真是失憶了, 想極也想不起添........雖然聖誕節無節目, 不過我都趁熱鬧請咗假, 因為大家都爭住請24號, 有啲仲請埋22添, 因為請日半假, 可以放足5日嘛! 所以....... 瞓吓都好既, 或者到時候又有節目呢, 誰知!
