過去一個星期不斷地落大雨, 公司既人既心情亦好似受到影響一樣, 厭厭悶悶, 死死吓.
星期一那天因為胃痛加肚痛所以無返工, 變相放多了一天假, 不過對我嚟講並唔係一件好"棧"既事, 因為屋企太細, 擠多一個人真係有啲迫, 不過無法啦, 鬼叫大家都無本事搬咩!
可能返一日, 放一日既關係, 呢個星期好似過得特別快, 而且成個星期整個18樓的氣氛都好像特別靜, 莫非真係暴風雨前既徵兆? 自從知道有兩個同事走之後, 一方面明白佢地有幾辛苦, 啲怨氣有幾深, 要走都無可厚非, 但係從另一方面睇, 如果佢地真係走, 工作固之然會出現問題, 依家人手咁短缺, 搵邊個去take care佢地既工作, 而我亦失多兩個飯友, 又少了兩個舊人, 真怕一天自己會變成"舊人"!!
自從前晚"飛曱甴"事件之後, 我連續兩晚都有陰影, 唔敢獨自坐在廳中, 不過無辦法, 因為我自己唔識攪個router, 所以只好繼續插住條綫係個廳度上網啦! 
今日留係公司做埋份assignment 1, 走既時候到已黃昏, 加埋搭車, 行咗陣, 返到屋企都成9點半, 食埋飯, 沖埋涼, 呵呵........咁又12點半, 咁又過咗一日啦! 唸落自己都覺得無聊, 點解啲日子會變成咁? 我真的要好好想一想了! 還是每個人都是如此?
今晚接到朋友的轉告, 話我之有個認識既朋友昨晨發生交通意外, 傷勢好嚴重, 報紙都有圖文並茂地報導, 雖然同呢個人唔算得上太熟, 但聽到呢個消息真係心下一沉, 始終相識一場, 大家又年紀相若.........正值壯年嘛! 不過好彩, 傷得雖重, 但總算過了危險期, 沒有生命危險, 但係要康復, 相信要一段長時間, 希望佢能掁作, 盡快痊癒啦. 
做完第一份功課, 又係時做第二份啦! 第二份比第一份難許多呢, 希望攪得掂啦!
全站熱搜
留言列表
