嘩!! 真係好耐未試過連續兩晚通頂啦! 估唔到新年前夕會咁癲. 呢兩晚其實都係同差不多同一班Friends一齊, 去咗旺角既cafe吃喝玩樂一番. 同佢地係新相識, 是friend帶friend咁識既, 見佢地唔煙唔酒幾OK, 又鐘意一班人搞function玩, 睇嚟第日無無聊聊都多個好去處啦!
我哋有乜玩? 都有好多架喎, 打Wii, 玩UNO, 鋤大D, 玩"拼數字遊戲"(因為唔記得個game既英文名點串啦), 仲可以打麻雀添!! 仲要係一枱廣東牌, 一枱台灣牌添! 我樣樣都有玩呀, 包括久違了既"打麻雀". 其實之前一直都有同事叫我打麻雀, 或者問我識唔識打, 我係識打既, 不過一路都無同佢地打, 因為我係唔賭錢既, 但唔賭又有邊個會同你打呢? 但估唔到我真係遇到班唔賭既但又會打既人喎. 其實嚴格嚟講又唔係完全唔計錢既, 只不過係計"一亳子"一番啫. 難得終於有班人肯為"遊戲"而唔計錢咁嚟打, 所以我終於都算破界打咗一次嘞, 仲要係打我完全唔識既台灣牌添! 不過我都係當普通廣東牌咁打咋, 有人識計未得囉! 不過計番真係好複雜架, 我成晚都唔係好明攪緊乜. 不過我都唔係打足一晚既(雖然話計一毫子一番, 但最終都無計到錢, 哈哈), 打一陣就走去打機啦, 唔打過都唔知原來真係咁好玩喎, 唔怪得知Wii呢排咁Hit啦, 我都玩咗幾個games呀! 除咗打牌, 鋤大D其實我都好鐘意架, 不過又係礙於賭錢問題所以無玩好耐啦, 但因為佢地唔賭錢, 我就可以放心玩啦! Hehe, 我啲技術唔差架, 都贏咗好多舖呀! 去咗兩晚, 駛咗好幾百蚊, 因為要俾入場費, 包兩, 三杯drink, 同埋一啲小食, 例如薯條, 雞翼咁啦, 味道唔錯, 尋晚年三十仲有應節既角仔, 年糕同蘿蔔糕呀! 嚟緊呢班friend仲話年初三一齊去"行大運"(一早過去山頂行過圈喎), 跟著去飲茶, 下午再直落去嘉年華, 不過晨咁早, 我就唔敢應承佢地啦, 況且年初二要去舅父個邊食開年飯, 而且我都買咗飛3/3號同班同事去玩, 無理由又去多次架嘛! 不過佢地真係節目多多, 睇怕跟著佢哋放假都唔怕無地方去lu!!!
雖然之前都話驚放成十日假會好無聊, 但係宜家計落都有好多日係有嘢做啦喎, 宜家反而擔心收拾唔到心情做功課就真, 放完假要交啦, 唔做唔做得啦!!
全站熱搜
留言列表
