今日放中秋節的補假, 一早就給大太陽曬醒, 最後要逃到我阿媽間房繼續"覺覺豬" (好彩我阿爸上了班, 阿媽又起了床, 所以我就可以佔據了張床繼續瞓嘞!) 最後睡到日上三竿才起床. 今日一開始就沒打算出街, 所以就拿了衫出來洗, 因為我有個習慣, 就是儲起自己的淺色衣服留待假期洗嘞, 當然一定是之前有點事才會令我有這個習慣啦, 嘻嘻, 是什麼就不說嘞.
昨晚雖然是中秋節, 但望向樓下沒有太多小朋友在玩, 氣氛不像太濃厚. 記得小時候我們是玩紙燈籠的, 還會到屋企樓下或者樓梯口點臘蠋, 煲臘, 不過現在的小朋友玩的東西就不同了, 現在煲臘是犯法的, 燈籠也變成膠的了(雖然近兩年好像興返紙的, 不過賣得好貴啊!), 臘蠋就成燈泡, 感覺不一樣了. 談起煲臘, 那的確幾危險的, 記得我表弟就試過一次因為煲臘而燒親手, 我仲記得當時他因為怕給大人鬧, 所以自己靜靜雞走了入厠所用凍水浸手, 點知令到隻手起埋水泡, 更加嚴重, 最後當然是給大人發現了, 急急去看醫生啦! 我又記得小時候我不止玩過燈籠, 還賣過燈籠添呀! 因為阿爺是開舖頭的, 每逢中秋就會兼賣燈籠, 而且不止在舖賣, 我和阿女麻還會推車出去擺街賣呢! 除了燈籠, 月餅也是中秋主打, 我喜歡吃傳統的, 對冰皮就麻麻地喇, 總覺得"皮"既味道怪怪地. 不過現在食少了好多囉, 因為真的幾滯.
昨晚出了街吃飯, 雖然好彩不用等位, 不過餐飯真的食得頗貴, 而且味道麻麻 (可以去相簿看看啊!), 不過吃完今次, 我阿媽就有個啟示, 就是千萬不要叫"套餐"嘞, 又貴又唔抵, 因為她也不是第一次中招了.
全站熱搜
留言列表
