有人問我點解咁忙, hum........其實真係好難三言兩語講得清楚, 通常我會答:"我好駛好用囉!", 又或者"我叻呀嘛, 能者多勞!", 不過其實心底裡面想既係:"我無膽囉, 成日得過講字, 發完"勞蘇", 又係繼續做......", 我最近有句座右銘 "要食飯就要返工架啦, 幾時都係有得忙好過無既!"
上個星期就忙於做 budget, 做 marketing power point, 做完香港既, 又要幫埋做深圳既, 加埋日常工作, 攪到成個星期晚晚8, 9點, 好鬼down! 不過都係個開頭咋, 因為年年做親呢啲野都要改好鬼多轉, 改到開大會前一刻仍在改. 但係就算攪完呢件工作都唔會得閒, 因為又要開始攪展覽會喇!! 本來以為今年可以甩難, 起碼唔駛再係我一個人係度撐, 點知啱啱尋日又收到消息, 個"波"大有可能又會拋返過嚟, 那個"marketing team"又話唔理喎, 咁點算呀, 得返兩個月咋, 乜都未開始.........唉.............而嚟緊仲有個新挑戰, 就係做公司聖誕party既MC嘞!! 做MC印象中做過一次, 應該係當年讀TI時, 做過選學生會既司儀, 真係N咁多年前既事lu.........不過我對呢個任務又唔係太擔心既, 只要唔駛我三文兩語既話, 我相信自己能夠升任既, 畢竟我對自己既口才都有一定信心架!!
不過如果我一日要兼顧香港, 深圳兩邊既野, 再加埋日常要理晒咁多樣鎖碎既事, 例如放貨啦, review credit啦, 聽一切不知名既客戶查詢, 做report, 追班sales呢樣嗰樣, 有新人又要照顧又要教佢野, 再失經無神幫手e-mail, 答吓啲同事既查詢........等等等等, 睇怕我既"困境"都無乜可能解決架喇..........唉................
全站熱搜
留言列表
