下星期同樣時間我已經到達日本嘞, 不經不覺, 講咗幾個月既日本之旅就快起行嘞, 亦開始有種期待同興奮既心情. 對上一次去旅行已經係兩年前嘞, 而且去得一啲都唔開心, 況且今次係去日本, 仲要係同自己鍾意既人一齊去, 感覺當然差得遠啦! 今次係我第一次去日本, 主要係去睇櫻花, 不過宜家天氣咁反常, 去到睇唔睇到都要講運氣, 希望唔會失望啦! 呢次既行程都幾緊湊, 會先去東京, 再落大阪, 京都, 最後再返回東京, 暫時除咗決定會去環球影城同大阪水族館之外, 其餘都無乜嘢特定行程, 一切就由佢去決定啦, 反正佢熟路嘛! 正如尋日佢同我講既嗰個地方(忘記了地方名添)就好似好靚嘞, 如果天氣好我哋就可以去呢!!
呢幾日放復活節假, 佢要趕功課, 所以我就一個人係屋企執定行李先嘞, 今次旅行樣樣都準備好晒, 不過最慘既係呢排日圓狂升, 換錢既時候接近八算, 諗落都好肉痛呢! 所以我都會收歛吓, 唔會亂買嘢喇, 不過........如果真係見到鍾意既話, 就............heheheheh...........去旅行最緊要開心嘛, 呵呵呵呵！！！
全站熱搜
留言列表
